Falë mbështetjes së Bashkimit Evropian në Shqipëri, 100 shkolla 9-vjeçare do të pajisen me pakon edukative të fushatës, ku përfshihen postera, lojëra, stikera e çfarëdolloj materialesh të tjera që i shërbejnë edukimit mjedisor, cilësor dhe afatgjatë. Ndalesën e parë e bëmë në shkollën “Vasil Shanto”. Me partnerët e Heinrich Böll Stiftung Tirana dhe ambasadorin e Bashkimit Evropian në Shqipëri, Silvio Gonzato, kishim kënaqësinë të dëshmonim entuziazmin e fëmijëve teksa prezantoheshin me materialet e paketës, si dhe ndjeshmërinë e tyre mjedisore përgjatë sesionit edukues që pasoi.
