Kur u zhvillua për herë të parë në tetor 2023, fushata synonte të sillte biodiversitetin në qendër të vëmendjes publike. E konceptuar si një fushatë e shtrirë në kohë për rritjen e ndërgjegjësimit dhe për edukimin për biodiversitetin, nisma ishte fryt i një bashkëpunimi të ngushtë mes zyrës në Tiranë të Fondacionit Heinrich Böll Stiftung dhe PPNEA. Kjo nismë synonte të theksonte idenë se mbrojtja e biodiversitetit nuk është thjesht një çështje mjedisore, por është një përgjegjësi e përbashkët shoqërore e politike.
Në zemër të kësaj etape të parë qëndronte një mozaik i skicuar nga artisti shqiptar Kleidi Eski dhe i realizuar në formën e një banderole me sipërfaqe të madhe prej tekstili, me përmasa afro 30 m x 15 m. I vendosur për krah Muzeut Historik Kombëtar, vepra dukej sikur hynte në bashkëbisedim të heshtur me një nga monumentet më domethënëse të vendit: mozaikun simbol të epokës socialiste “Shqiptarët”.
Mesazhi që ky monument mbart vjen sërish, por kësaj here me 38 lloje shqiptare në rrezik zhdukjeje.
Krijimi i mozaikut
Në pranverën e vitit 2026, ky imazh do të transformohet në një mozaik të përhershëm me përmasa 3.7 × 12 metra, duke shënuar një ndryshim vendimtar nga një ndërhyrje e përkohshme artistike në një pikë referimi të përhershme.
Mbroni Vjosë–Nartën: Ndaloni ndërtimet në zonat natyrore të mbrojtura
Nënshkruaj peticioninEksploro hartën e Vjosë–Nartës
Shih në hartë zonën e Vjosë–Nartës dhe kufijtë e zonave të mbrojtura.
Shiko hartën interaktive
