Edlira Lilaj

Edlira është Oficere Financiere pranë PPNEA dhe ka një përvojë të gjerë në fushën e financave, me fokus të veçantë në projektet e financuara nga donatorë institucionalë. Ajo është pjesë e organizatës që prej muajit qershor 2026, ku mbështet menaxhimin financiar të projekteve të bashkëfinancuara nga BE-ja, përfshirë programet LIFE, Interreg dhe IPA.

Përpara se t’i bashkohej PPNEA-s, Edlira ka punuar për gati gjashtë vite si Oficere Financash dhe Administrate pranë Help – Hilfe zur Selbsthilfe e.V., si dhe ka një përvojë të konsiderueshme në auditim financiar. Ajo zotëron një Master në Inovacion dhe Menaxhim Social nga Vienna University of Economics and Business dhe një Master në Financë nga Universiteti i Tiranës. Në PPNEA, Edlira është përgjegjëse për monitorimin e zbatimit financiar të projekteve, përgatitjen e raporteve periodike për donatorët dhe sigurimin e dokumentacionit financiar në përputhje me standardet e BE-së, duke kontribuar kështu në transparencën dhe qëndrueshmërinë financiare të projekteve për ruajtjen e natyrës.