Konservimi Ndërkufitar i Ariut të Murrmë (TBBC)

Përmes TBBC, ne po vazhdojmë rrugën e suksesshme të projektit të mëparshëm “Tripoint Brown Bear” (TBB) në mbrojtjen e ariut dhe habitateve të tij në rajonet ndërkufitare mes Shqipërisë, Greqisë dhe Maqedonisë së Veriut.

TBBC fokusohet në 6 objektiva strategjike:

• Promovimi i bashkëpunimit ndërkufitar për konservim të qëndrueshëm: Krijimi i rrjeteve të qëndrueshme mes grupeve të interesit, p.sh., identifikimi i lidhjeve kyçe të habitateve ndërmjet vendeve. Zhvillimi i mjeteve, prodhimi i udhëzuesve dhe zbatimi i masave për përmirësimin e ndërlidhjes ekologjike, p.sh., planifikimi i përdorimit të tokës ose kufizimi i aksidenteve në rrugë të kafshëve;
• Zhvillimi i monitorimit ndërkufitar të ariut: Krijimi i nismave të monitorimit ndërkufitar, bashkëpunimi me grupe të interesit dhe krijimi i një databaze të përbashkët për të rritur njohuritë mbi llojin dhe për të udhëhequr përpjekjet për konservim;
• Përballimi i konflikteve ari-njeri duke përfshirë Grupin e Ndërhyrjeve për Arinjtë (BIT): Zbatimi i masave për zbutjen e konflikteve (gardhe elektrike, etj.) si dhe ndërhyrjet e përbashkëta në raste emergjencash të lidhura me arinjtë nga një ekip i trajnuar (BIT) duke përdorur protokolle të përbashkëta veprimi;
• Rritja e kapaciteteve kundër krimeve ndaj kafshëve të egra: Lobimi për ligje kombëtare kundër gjuetisë së paligjshme dhe veprime ligjore në rastet e gjuetisë së paligjshme. Bashkëpunimi me organet ligjzbatuese, trajnime të përbashkëta kundër gjuetisë së paligjshme. Rritja e kapaciteteve përmes shkëmbimit të njohurive ndërmjet shteteve;
• Rritja e ndërgjegjësimit publik dhe nxitja e angazhimit të grupeve të interesit: Organizimi i fushatave për rritjen e ndërgjegjësimit dhe programe edukative. Pjesëmarrja e grupeve vendore të interesit. Prodhimi i një dokumentari mbi bashkëjetesën me arinjtë.

Zona e projektit do të mbetet e ngjashme me TBB, me aktivitetet e projektit që do të përqendrohen kryesisht në zonat malore ndërkufitare mes tre vendeve.

Grupet e interesit:

• Vendimmarrësit vendorë, rajonalë dhe kombëtarë;
• Ministritë dhe agjencitë përkatëse përgjegjëse për menaxhimin e mishngrënësve të mëdhenj;
• Menaxherët e zonave të mbrojtura;
• Shoqatat e gjuetarëve;
• Organizatat e ruajtjes së natyrës;
• Universitetet;
• Publiku i përgjithshëm dhe mediat;
• Komunitetet lokale.

PARTNERËT:

Euronatur (Gjermani), PPNEA (Shqipëri), Callisto (Greqi), Eko-svest and MES (Maqedoni e Veriut)

KOHËZGJATJA:

01.07.2024-30.06.2026 (2 vite)

SHTETET KU ZBATOHET:

Shqipëri, Greqi dhe Maqedoni e Veriut

PERSON KONTAKTI:

Melitjan Nezaj

[email protected]