Projekti LASPEH 2.0 ka për qëllim të rinovojë dhe të koordinojë përpjekjet ndërkufitare për mbrojtjen e trashëgimisë natyrore të zonës së Adriatikut Jugor.
I bashkëfinancuar nga Programi Interreg IPA South Adriatic 2021–2027, LASPEH 2.0 bashkon partnerë institucionalë nga Italia, Mali i Zi dhe Shqipëria, me synimin për të adresuar rritjen e cenueshmërisë së ekosistemeve, ku habitatet dhe speciet po preken gjithnjë e më shumë nga presionet njerëzore, urbanizimi dhe ndikimet e ndryshimeve klimatike.
LASPEH 2.0 synon të forcojë qëndrueshmërinë e biodiversitetit në Adriatikun Jugor përmes:
- – Mbrojtjes së dy habitateve prioritare dhe dy llojeve me rëndësi të përbashkët rajonale;
- – Zhvillimit të një mjeti të përbashkët për menaxhimin më të mirë të zonave Natura 2000;
- – Hartimit të një mjeti ndërkufitar për të udhëzuar veprime konkrete të ruajtjes së natyrës;
- – Hartimit të një Strategjie të Përbashkët Transnacionale për forcimin e qëndrueshmërisë së ekosistemeve dhe mbështetjen e zbatimit të Ligjit të BE-së për Restaurimin e Natyrës.
Projekti udhëhiqet nga Rajoni i Pulias – Departamenti për Mjedisin, Peizazhin dhe Cilësinë Urbane (IT), në bashkëpunim me:
- – Parkun Kombëtar Abruzzo, Lazio dhe Molise (IT);
- – Ndërmarrjen Publike për Parqet Kombëtare të Malit të Zi (ME);
- – Qendrën për Ruajtjen dhe Mbrojtjen e Mjedisit Natyror në Shqipëri (AL);
- – Bashkinë e Tarantos (IT).
Qendra për Ruajtjen dhe Mbrojtjen e Mjedisit Natyror në Shqipëri (PPNEA) do të fokusohet në zhvillimin e një plani konservimi për Dallëndyshen e Detit Ballëbardhë (Sternula albifrons), të bazuar në Ligjin e Bashkimit Evropian për Restaurimin e Natyrës, si dhe në hartimin e një Strategjie të Përbashkët Ndërrajonale për përmirësimin e gjendjes së ekosistemeve dhe rritjen e qëndrueshmërisë së tyre në Rajonin e Adriatikut Jugor.
Gjithashtu, PPNEA do të jetë aktive në zbatimin e një fushate sensibilizuese për mbrojtjen e kësaj specieje, si dhe në përfshirjen e komuniteteve lokale dhe palëve të interesit në kuadër të këtij projekti.
