Ilir Shyti

Iliri është Inxhinier Pyjesh me përvojë të gjatë në ruajtjen e natyrës, duke kontribuar për 15 vite si në nivelin lokal qeverisës ashtu edhe pranë PPNEA-s. Ai është diplomuar në Fakultetin e Shkencave Pyjore në Universitetin Bujqësor të Tiranës, me një pasion të veçantë për mbrojtjen e habitateve dhe biodiversitetit.

Në vitin 2013, Iliri u bë pjesë e rrjetit lokal të monitorimit në rajonin Pukë-Mirditë për Programin e Rimëkëmbjes së Rrëqebullit të Ballkanit dhe që nga viti 2016, është bashkuar me PPNEA si monitorues dhe studiues i faunës së egër në mbarë Shqipërinë.

Iliri është gjithmonë në gjurmët e mishngrënësve të mëdhenj, si rrëqebulli i Ballkanit, ariu i murrmë, ujku dhe çakalli. Ai gjithashtu kontribuon në përpjekjet për ruajtjen e pyjeve të vjetër dhe habitateve të ligatinave.