Kur u zhvillua për herë të parë në tetor 2023, fushata synonte të sillte biodiversitetin në qendër të vëmendjes publike. E konceptuar si një fushatë e shtrirë në kohë për rritjen e ndërgjegjësimit dhe për edukimin për biodiversitetin, nisma ishte fryt i një bashkëpunimi të ngushtë mes zyrës në Tiranë të Fondacionit Heinrich Böll Stiftung dhe PPNEA. Kjo nismë synonte të theksonte idenë se mbrojtja e biodiversitetit nuk është thjesht një çështje mjedisore, por është një përgjegjësi e përbashkët shoqërore e politike.
Reflektime
Pas pikënisjes në vitin 2023, fushata ka evoluar në forma të ndryshme, që nga programe edukative në shkolla dhe fushata digjitale, deri te një kuiz virtual mbi biodiversitetin i publikuar në aplikacionin Vodafone, platforma më e përdorur në vend.
2023
10,000+ vizitorë në 3 javët e para të fushatës në Sheshin Skënderbej
2023 e në vijim
50+ aktivitete të mbajtura në terren ose në natyrë
❝
200 vullnetarë të rinj të angazhuar në mbrojtjen e natyrës
❝
1000+ nxënës janë përfshirë në aktivitete edukative mbi biodiversitetin
❝
100 shkolla në të gjithë vendin janë pajisur me materiale informuese për biodiversitetin
❝
Miliona njerëz të arritur përmes rrjeteve sociale dhe platformave digjitale
Pas tre dekadash advokim për ruajtjen e natyrës në mbarë Shqipërinë, PPNEA dhe Heinrich Böll Stiftung Tirana zhvilluan dhe krijuan një fushatë të rëndësishme ndërgjegjësimi të quajtur “Shqipëria është Biodiversitet”. Kjo fushatë, ndoshta një nga më të gjërat dhe më me ndikim në vend, mishëroi misionin e PPNEA-s dhe arriti publikun e gjerë në zemër të Tiranës.
Vepra artistike dhe fushata “Shqipëria është Biodiversitet”
Mjaft provokuese në koncept, thelbi i fushatës ishte rikoncepimi i mozaikut “Shqipëria” që qëndron krenar në fasadën e Muzeut Historik Kombëtar. Ky mozaik i rikonceptuar u prezantua për publikun në formën e një pëlhure prej 1200 m², fare pranë mozaikut origjinal. Vepra artistike paraqiti 38 specie të kërcënuara dhe mahnitëse që mund të gjenden në habitatet e egra dhe të pacënuara të vendit, nga pyjet, ligatinat, kullotat e larta e shumë të tjera, të përzgjedhura me kujdes nga ekspertët e PPNEA-s. Speciet u ilustruan nga ilustruesi i National Geographic, z. Kadir Ozmen, dhe u sollën në formën e një mozaiku të mrekullueshëm nga artisti i njohur shqiptar, z. Kleidi Eski.
Ndërhyrja edukative dhe artistike “Shqipëria është Biodiversitet” u inaugurua më 2 tetor me një ceremoni hapëse ku morën pjesë rreth 500 persona. Ngjarja përfshiu shfaqjen e mozaikut, e shoqëruar nga interpretimi i veprës “Ode to Joy” të Beethoven-it nga Igert Zeqiri, koncertmaestro i Orkestrës Simfonike të Radio Televizionit Shqiptar.
