PPNEA dhe PrespaNet ftojnë studiues dhe praktikues të paraqesin propozime për postera për Simpoziumin e 3-të Shkencor mbi Liqenet e Prespës me temë “Ujëra të Përbashkëta, Sfida të Përbashkëta: Ndërtimi i Qëndrueshmërisë Klimatike në Liqenet e Prespës përmes Shkencës dhe Bashkëpunimit”, Korçë, Shqipëri | 2–4 Shkurt 2026.
Ky simpozium mbledh studiues, vendimmarrës dhe praktikues nga Shqipëria, Greqia dhe Maqedonia e Veriut për të ndarë zgjidhje të bazuara në shkencë për përmirësimin e qëndrueshmërisë së ekosistemeve dhe komuniteteve në parkun e parë ndërkufitar në Ballkan.
Fokusi i posterave është në zgjidhje praktike të orientuara drejt menaxhimit ose kërkim të aplikuar, që ndajnë gjetje shkencore, studime rasti ose ide politike/praktike dhe forcojnë bashkëpunimin ndërkufitar dhe ndërsektorial.
Fushat tematike përfshijnë:
– Ndryshimet Klimatike dhe Menaxhimi i Ujërave
– Ruajtja e Biodiversitetit dhe Menaxhimi i Ekosistemeve
– Adaptimi Ndërkufitar: Komuniteti dhe Reagimet Politike
Data të rëndësishme:
– Afati për dorëzimin e propozimeve të posterave: 15 Janar 2026.
– Njoftimi për autorët e përzgjedhur: 21 Janar 2026.
– Dorëzimi final i posterave në format MP4: 27 Janar 2026.
Hapja e Galerisë së Posterave gjatë Simpoziumit: 2–4 Shkurt 2024.
PPNEA, organizata e parë mjedisore në Shqipëri, është aktive prej mbi 30 vite në Parkun Kombëtar të Prespës. Së bashku me Society for Protection of Prespa (Greqi) dhe Macedonian Ecological Society, PPNEA themeloi PrespaNet, një rrjet ndërkufitar që promovon dialogun dhe zgjidhje praktike për ruajtjen e ekosistemit të Liqeneve të Prespës.
Lexo më shumë këtu: Prespanet CALL FOR POSTERS – FINAL
