Zyra lokale e PPNEA në Parkun Kombëtar të Prespës, pati kënaqësinë të priste ambasadorin holandez Reinout Vos dhe bashkëshorten e tij, Corien Vos, së bashku me Drejtoreshën Ekzekutive të PONT, Mirjam de Koning.
Ambasadori vizitoi ishullin Maligrad, një habitat thelbësor për zvarranikët, amfibët dhe llojet e ndryshme të shpendëve, e gjithashtu një vend me rëndësi kulturore, me kishën e lashtë të Shën Mërisë. Si pjesë e itinerarit të tij, ambasadori mori pjesë në sesionet edukative me nxënës të shkollave Pustec dhe Goricë e Vogël, të organizuara nga stafi i PPNEA dhe ADZM Korçë. Fokusi ishte në njohjen e fëmijëve me pelikanët dhe lejlekët.
Grupet kryesore të interesit, Bashkia Pustec, ADZM Korçë, OSHEE dhe partnerët e SPP, u bashkuan për të parë instalimin e platformës së dytë të lejlekut në Parkun Kombëtar të Prespës, duke i dhënë një mbyllje simbolike kësaj dite.
