Thirrje për aplikime
Shkolla Verore Ndërkufitare 2026 në Prespë për studentë dhe ekologë të rinj
Njohuritë Tradicionale dhe Praktikat Bashkëkohore Ekologjike
27 – 31 Korrik 2026 | Oteshevo, Prespa, Maqedoni e Veriut
Afati i aplikimit : E diel, 21 Qershor 2026
Ekologët e rinj nga Maqedonia e Veriut, Shqipëria dhe Greqia ftohen të eksplorojnë dhe përjetojnë natyrën unike të pellgut të Liqeneve të Prespës në kuadër të Shkollës Verore Ndërkufitare 2026 në Prespë, e organizuar nga Shoqata Ekologjike Maqedonase (MES) në bashkëpunim me partnerët e PrespaNet: SPP dhe PPNEA.
Përmes aktiviteteve të planifikuara me kujdes, duke përfshirë punën në terren, ligjërata nga ekspertë dhe workshop-e interaktive, rreth 15–20 studentë do të kenë mundësinë të përjetojnë vlerat natyrore të Rezervës Ndërkufitare të Biosferës Prespë–Ohër, duke u njohur me njohuritë tradicionale lokale dhe praktikat bashkëkohore ekologjike në menaxhimin e burimeve natyrore.
Tematikat (mund të pësojnë ndryshime):
• Efektet e ndryshimeve klimatike në hidrologjinë e sistemit liqenor Prespë–Ohër • Trajnim praktik në studimin shkencor të specieve të egra • Qasje tradicionale dhe moderne në praktikat bujqësore dhe menaxhimin e ligatinave • Perceptimet socio-ekonomike dhe kulturore mbi shërbimet e ekosistemit dhe funksionalitetin e peizazhit • Përdorimi i mjeteve digjitale në monitorimin dhe hartëzimin e specieve dhe habitateve • Perspektivat ndërkufitare dhe komunikimi me komunitetin
Kriteret e pranueshmërisë:
Aplikimet janë të hapura për të gjithë studentët (Bachelor, Master) ose të diplomuarit e rinj (deri në 3 vite nga diplomimi) nga Maqedonia e Veriut, Shqipëria dhe Greqia, me formim në biologji, ekologji, bujqësi, pylltari ose fusha të ngjashme, si dhe me interes të fortë ose të dëshmuar për çështjet mjedisore dhe ruajtjen e natyrës.
Përfitimet:
- Do të eksploroni dhe përjetoni një nga rezervat ndërkufitare të biosferës më unike dhe më të bukura në Evropë • Do të fitoni njohuri praktike dhe teorike, duke mbështetur zhvillimin tuaj të ardhshëm në ruajtjen e natyrës dhe menaxhimin e burimeve natyrore • Do të keni mundësi të krijoni rrjete bashkëpunimi me bashkëmoshatarë dhe ekspertë nga të tre vendet
Informacion kyç për aplikantët
Kur: 27 – 31 korrik 2026 Ku: Oteshevo, Prespë, Maqedonia e Veriut Tarifa e pjesëmarrjes: Nuk ka tarifë – akomodimi dhe ushqimi mbulohen plotësisht Gjuha: Anglisht Afati i aplikimit: 21 qershor 2026
Aplikoni në lidhëzën KËTU
Përparësi do t’u jepet aplikantëve nga rajoni ose atyre që studiojnë në universitete të rajonit.
Gjuha zyrtare e shkollës verore do të jetë anglishtja dhe njohuri të mira të saj duhet të dëshmohen në aplikim.
Kostot për ushqimin, akomodimin, transportin dhe sigurimin për aplikantët e përzgjedhur do të mbulohen plotësisht. Detaje të mëtejshme do të ndahen pas përzgjedhjes përfundimtare.
Për të aplikuar, ju lutemi plotësoni formularin e aplikimit të disponueshëm KËTU, përpara mesnatës së datës 21 qershor 2026.
Aplikantët do të njoftohen për përzgjedhjen përfundimtare jo më vonë se 3 korrik 2026.
Rreth PrespaNet dhe Shkollës Verore Ndërkufitare në Prespë
Rrjeti i OJQ-ve mjedisore, PrespaNet, u themelua në vitin 2013 për të forcuar mbrojtjen dhe ruajtjen e natyrës dhe biodiversitetit në rajonin ndërkufitar të Prespës, duke u udhëhequr nga katër shtylla strategjike:
- Ruajtja e ujërave dhe peizazhit të ligatinave
- Konsolidimi i interesave për ruajtjen e Prespës
- Lufta kundër kërcënimeve prioritare
- Dëgjo dhe shpërndaj – forcimi i angazhimit lokal
Si pjesë e përpjekjeve për edukimin mjedisor, Shkolla Verore Ndërkufitare e PrespaNet në Prespë organizohet çdo vit që nga viti 2018 – në mënyrë të rotacionit mes tre vendeve pritëse. Ajo synon të fuqizojë brezin e ardhshëm të të rinjve në ruajtjen e natyrës duke nxitur shkëmbimin e njohurive, zhvillimin e aftësive praktike dhe angazhimin afatgjatë me trashëgiminë e pasur natyrore dhe kulturore të rajonit.
Edicioni i këtij viti organizohet nga Shoqata Ekologjike Maqedonase (MES), në bashkëpunim me organizatat partnere të PrespaNet: Shoqata për Mbrojtjen e Prespës nga Greqia (SPP) dhe PPNEA në Shqipëri, në kuadër të projektit “PrespaNet III: Ruajtja e Biodiversitetit në Prespën Ndërkufitare”, me mbështetjen e Prespa Ohrid Nature Trust (PONT), Aage V. Jensen Charity Foundation dhe EuroNatur.
