Në gjurmët e ariut!
Dy ditë eksplorimi në natyrë dhe kontribut në ruajtjen e ariut të murrmë në Alpet e Shqipërisë.
PPNEA ju fton të bëheni pjesë e një përvoje dyditore në natyrë, për të eksploruar habitatin e ariut të murrmë (Ursus arctos) dhe për të njohur nga afër metodat shkencore që përdoren për monitorimin dhe studimin e këtij lloji.
Gjatë këtij aktiviteti, pjesëmarrësit do të përshkojnë shtigje natyrore në zonat ku jeton ariu i murrmë, do të mësojnë të identifikojnë gjurmët dhe shenjat e pranisë së tij në terren, si dhe do të përfshihen në mbledhjen e mostrave biologjike për monitorimin gjenetik të popullatës.
Kjo është një mundësi për të fituar njohuri praktike mbi ekologjinë dhe sjelljen e ariut të murrmë, si dhe për të kuptuar rëndësinë e kërkimit shkencor në mbrojtjen e jetës së egër dhe habitateve natyrore.
Informacion mbi aktivitetin
- Vendndodhja: Alpet e Shqipërisë
- Datat: 30 nëntor – 1 dhjetor
- Afati i aplikimit: E hënë, 23 nëntor
Nëse dëshironi të njihni më nga afër jetën e egër, të përjetoni natyrën përmes një perspektive të re dhe të kontribuoni në një proces konkret monitorimi shkencor, ju ftojmë të aplikoni.
Bashkohuni me ne në këtë përvojë në gjurmët e ariut të murrmë!




