Shqipëria, së bashku me 8 shtete të tjerë, ka qenë pjesë e një hulumtimi i cili u fokusua në lidhjen kulturore midis Kalit të qyqes dhe komuniteteve lokale. Intervista dhe grupe fokusi u realizuan përgjatë rrugës së shtegtimit të kësaj shkabe.
Ky studim është i një rendësie të veçantë sepse historitë, besimet dhe traditat e lidhura me shpendët na ndihmojnë për të kuptuar përse njerëzit kanë qendrime pozitive apo negative kundrejt specieve të caktuara dhe sesi këto qendrime lidhen me kulturën.
![](https://ppnea.org/wp-content/uploads/2020/06/99013934_1622409634564430_5213031690984751104_o-1-300x225.jpg)
Disa konkluzione interesante lidhur me Kalin e Qyqes, i gjejmë këtu:
-Kali i qyqes, në zonën e Ballkanit, shpesh nuk njihet si një specie e cila ushqehet me mbetjet e kafshëve të ngordhura, duke përjashtuar zonat ku janë zhvilluar aktivitete ndërgjegjësimi publik.
-Në Jordani dhe Shqipëri, niveli i njohurisë dhe ndërgjegjësimit mbi këtë specie është më i ulët sesa në shtetet e tjera.
-Emërtimi tradicional i Kalit të qyqes jep informacion të bollshëm për këtë specie. Asocimi me pranverën dallohet qartësisht në këto emërtime, ku midis të tjerave, njihet edhe si “Sjellësi i Pranverës”.
Studimi në fjalë u implementua në kuadër të projektit “Egyptian Vulture New Life” nga
Elliniki Ornithologiki Etaireia.
Për informacion më të detajuar kliko linkun:
http://www.lifeneophron.eu/back2/public/files/documents/report-a4-ethnographic-study-hos-final-5eb50f9ac8ae7.pdf
![](https://ppnea.org/wp-content/uploads/2020/06/99436491_1622409671231093_3713615658278191104_o-1-300x210.jpg)