Për herë të 25-të, BirdLife International fton njerëzit në Evropë dhe Azinë Qendrore të zbulojnë botën magjepsëse të migrimit të shpendëve në fundjavën e 6 dhe 7 tetorit. Në këtë pikë të vitit, miliona shpendë migrues po largohen nga Evropa duke fluturuar në vendet e tyre të dimrit në Afrikë.
Ngjarja më e madhe e Partneritetit BirdLife në Evropë është organizuar që nga viti 1993. Gjatë këtyre 25 viteve, EuroBirdwatch ka tërhequr më shumë se 1.1 milion njerëz që kanë vërejtur më shumë se 73 milion shpendë.
Qëllimi kryesor i kësaj tradite 25 vjeçare është rritja e ndërgjegjësimit për ruajtjen e shpendëve migrues në zonat e folezimit, korridoret e shtegtimit dhe vendet e pushimit gjatë shtegtimit si dhe në zonat e dimërimit në Mesdhe dhe në Afrikë.
Këtë vit, më shumë se 40 partnerë kombëtarë të BirdLife International në Evropë dhe Azinë Qendrore organizojnë ngjarje dhe pika vëzhgimi ku njerëzit vëzhgojnë dhe dëgjojnë fakte interesante rreth migrimit të shpendëve dhe kërcënimeve me të cilat ballafaqohen gjatë udhëtimeve të tyre. Në shumicën e vendeve, njerëzit do të gjejnë vende të vëzhgimit dhe informimit ku të gjithë mund të ndajnë njohuritë mbi shpendët shtegtare ose thjesht t’i kundrojnë ata ndërsa migrojnë drejt jugut.
Për 25 vjetorin, të gjithë mund të bashkohen me faqen e EuroBirdwatch-facebook dhe mund të ndajnë ose postojnë foto. Nga Azerbajxhani përmes Norvegjisë në Gjibraltar ju mund të tregoni shumëllojshmërinë e shumë ngjarjeve, shumë shpendë të ndryshëm dhe shumë njerëz në natyrë.
Në fund të këtij fundjavimi të Birdwatch numrat e të gjithë shpendëve të vëzhguar dhe pjesëmarrësve në këtë aktivitet do të raportohen nëpërmjet qendrave kombëtare në qendrën evropiane. Në 2018 natur & mwelt / BirdLife Luksemburg po vepron si Qendra Europiane për përpunimin e të dhënave. Rezultatet janë gjithashtu në dispozicion në Facebook dhe
www.eurobirdwatch.eu.
