Edhe unë kaloj këtu! 🐻⚠️
Për here të pare në Shqipëri: PPNEA vendos 6 tabelat e para sinjalizuese për ariun e murrmë në aksin rrugor Pogradec – Kapshticë.
Përgjatë udhëtimit tuaj në aksin rrugor Pogradec – Kapshticë, do të vini re 6 tabela të reja sinjalizuese që tregojnë praninë e Ariut të Murrmë dhe vendkalimeve të tij.
Këto tabela të veçanta u vendosën për herë të parë në Shqipëri nga PPNEA, për të plotësuar sinjalistikën për tre biokorridore që përdoren nga ariu i murrmë. Këto biokorridore lidhin Parkun Kombëtar të Prespës me malësinë e Valamarës, Moravës dhe zona të tjera natyrore në Greqi.
Korridoret u identifikuan më herët përmes një serie monitorimesh me kamera kurth, ku rezultatet treguan praninë dhe riprodhimin e ariut. Përpara se të ideoheshin këto tabela, u realizuan konsultime edhe me banorët e disa fshatrave në afërsi.
Këto tabela sinjalizuese janë thellësisht të dobishme për parandalimin e vrasjeve aksidentale të këtij gjitari trupmadh dhe llojeve të tjera, që si mundësi të vetme për të përdorur habitatet e fragmentuara, ndërmarrin kalimin e rrezikshëm të këtij aksi rrugor me trafik të lartë të automjeteve.
Vendosja e sinjalistikës u koordinua me Autoritetin Rrugor Shqiptar dhe Agjencinë Rajonale të Zonave të Mbrojtura Korçë, me qëllim mbrojtjen e jetës së egër.
@euronatur
@avjnf
#PONT
@adzmkorce
@autoritetirrugor
![](https://ppnea.org/wp-content/uploads/2023/10/Snapinsta.app_361726113_1430503750825153_100320092074051089_n_1080.jpg)
![](https://ppnea.org/wp-content/uploads/2023/10/Snapinsta.app_361753672_241457978770007_7914004684188578242_n_1080.jpg)
![](https://ppnea.org/wp-content/uploads/2023/10/Snapinsta.app_361932128_986241005828419_1388494011548766563_n_1080.jpg)
![](https://ppnea.org/wp-content/uploads/2023/10/Snapinsta.app_361945423_798544711947648_9132353707442871078_n_1080.jpg)
![](https://ppnea.org/wp-content/uploads/2023/10/Snapinsta.app_362309551_1466923650812513_2412229095956603172_n_1080.jpg)
![](https://ppnea.org/wp-content/uploads/2023/10/Snapinsta.app_362497978_950494692903998_8482518870888915109_n_1080.jpg)