ANTONIO STEFO RENDIT TË PARËN SHQIPËRINË NË KONKURSIN NDËRKOMBËTAR TË VIZATIMIT PËR FËMIJË TË ORGANIZUAR NGA BIRDLIFE

ANTONIO STEFO RENDIT TË PARËN SHQIPËRINË NË KONKURSIN NDËRKOMBËTAR TË VIZATIMIT PËR FËMIJË TË ORGANIZUAR NGA BIRDLIFE
Në ditën e sotme jemi të lumtur të ndajmë me ju rezultatet e konkursit ndërkombëtar të vizatimit dhe pikturës për fëmijë, të organizuar nga PPNEA së bashku me partnerët e Spring Alive, me mbështetjen e BirdLife. Midis 58 shteteve pjesëmarrëse në Spring Alive, vendi i parë për kategorinë deri në moshën 9 vjeç u fitua nga Shqipëria.
 
Antonio Stefo, vogëlushi 9 vjeçar nga qyteti i Korçës, nxënës i klasës së 3-të në shkollën fillore ‘’OMIROS’’, na bëri të gjithëve krenarë me pikturën e tij frymëzuese, plot ngjyra e shpendë, duke pasqyruar më së miri temën kryesore të programit #springalive2020: “Si të jemi kundrues të mirë shpendësh?”.
 
Aktivitete të tilla synojnë krijimin e një lidhje të fortë midis fëmijëve dhe natyrës, ndërkohë që i edukojnë ata mbi format se si mund të ruhet ajo, apo llojet e shpendëve shtegtues të Spring Alive.
 
Mësoni se cilët janë fituesit e këtij konkursi për të dy kategoritë:
 
Fituesit, kategoria deri në moshën 9 vjeç:
 
-Vendi i parë: Antonio Stefo, Shqipëri
-Vendi i dytë: Sabine Valtere, Letoni
-Vendi i tretë: Evelina Junkure, Letoni
 
Fituesit, kategoria e moshës 10 – 16 vjeç:
 
-Vendi i parë: Natálie Tomícková, Republika Çeke
-Vendi i dytë: Lana Emilijs Kondrate, Letoni
-Vendi i tretë: Daniil Gerasimov, Kazakistan
 
Postime të ngjashme
Komente

Your email address will not be published.Required fields are marked *