Nga simbol i dashurisë në shënjestër për brakonierët
Në shumë kultura evropiane, që prej periudhës së rilindjes, turtulli (Streptopelia turtur) ka qenë i veshur me simbolikë. Lidhja e ngushtë midis çifteve të këtij lloji ka frymëzuar prej shekujsh piktorë e shkrimtarë, të cilët kanë parë në këtë shpend ndjenjën më përfaqësuese të njerëzimit, dashurinë. Në pikturat e Botticelli-t apo veprat e Shakespeare-it, ky shpend shfaqet për të treguar më të mirën tonë.
Për fat të keq, me kalimin e viteve, turtulli ka rënë preh e gjuetisë së paligjshme, e cila ka thyer qëndrueshmërinë e popullatës së tij. Akoma më tej, humbja e habitatit prej bujqësisë intensive ka sjellë rënien e numrave të këtij lloji me 30 – 49% në disa shtete evropiane, ndërsa në disa të tjera shifrat tregojnë për një rënie prej 90%.
Ndërkohë që ky shpend i mrekullueshëm tashmë po shtegton drejt Afrikës, ne shpresojmë që ai do të ketë një fluturim të qetë, pavarësisht se kjo është gati e pamundur. Fluturimi për mbijetesë filloi për turtullin, po ne a jemi gati ta lejojmë që ta përfundojë i pashqetësuar?
![](https://ppnea.org/wp-content/uploads/2020/10/Turtle-dove_BIOM_Biljana-Ječmenica-7-1-300x199.jpg)
© Biljana Ječmenica
![](https://ppnea.org/wp-content/uploads/2020/10/Turtle-dove-Route-©-Birdlife-Europe-Central-Asia-Flight-for-Survival-1-300x214.png)
© Birdlife Europe & Central Asia
![](https://ppnea.org/wp-content/uploads/2020/10/Turtle-dove_illegally-shot-©-Birdlife-Europe-Flight-for-Survival-1-300x262.jpg)
© Birdlife Europe & Central Asia