Gjithnjë e më tepër biznese po bashkohen në fushatën tonë të ndërgjegjësimit “Një fotografi në vend të një lloji të balsamosur”. Këtë herë, u kthyem përsëri në pikën e nisjes, në Peizazhin e Mbrojtur Vjosë – Nartë.
Nga monitorimet e bëra prej ekipit të PPNEA dhe AdZM Vlorë, u identifikua një restorant që zotëronte një numër të konsiderueshëm llojesh të balsamosur, si Pelikani kaçurrel (Pelecanus crispus), flamingo (Phoenicopterus roseus), huta (Buteo buteo), kukuvajka mjekroshe (Tyto alba), gjeraqina e shkurtës (Accipiter nisus), nuselala (Mustela nivalis), etj. Personi përgjegjës për restorantin e pranoi me kënaqësi ofertën e zëvendësimit të objekteve të balsamosura me fotografi të shpendëve simbol të Vjosë – Nartës.
Ky rast duhet të shëbejë si shembull për shumë e shumë sipërmarrje të tjera. Ekipi ynë falenderon përzemërsisht restorantin Taverna e Miqesise për dhënien e një mesazhi pozitiv mbi ruajtjen e jetës së egër në Shqipëri.
![](https://ppnea.org/wp-content/uploads/2021/03/DSCN5169-1-300x225.jpg)
© PPNEA
![](https://ppnea.org/wp-content/uploads/2021/03/20210223_1538200-1-300x169.jpg)
© PPNEA
![](https://ppnea.org/wp-content/uploads/2021/03/DSCN5143-1-300x225.jpg)
© PPNEA
![](https://ppnea.org/wp-content/uploads/2021/03/PPNEA_FotoKanvas_Telajo_Kreditimet-60x50cm-kanvastelajo-shkurt20202-300x250.jpg)
© Z. Vorpsi / PPNEA