Gostia e parë në “Sofrën e Mbretëreshave”

Gostia e parë në “Sofrën e Mbretëreshave”
Lajme të gëzuara vijnë nga Lugina e Drinos. Së paku një çift i kalit të qyqes tashmë ka filluar të vizitojë stacionin e ushqimit plotësues të sigurtë i ndërtuar në këtë zonë në prag të vjeshtës së vitit 2016. Ushqimi plotësues është një masë që po zbatohet në të gjitha vendet e Gadishullit të Ballkanit ku ende folezon kali i qyqes për të ndihmuar rimëkëmbjen e këtij lloji tejet të rrallë që numëron vetëm 51 territore të zëna dhe 45 çifte në të gjithë Ballkanin. Përdorimi i kësaj mase, përveç se siguron ushqim për këtë lloj, ul edhe rrezikun që i kanoset nga kurthet e helmatisura. Stacioni që njihet ndryshe si “Sofra e Mbretëreshave”, marrë në konsideratë rëndësinë ekologjike të kalit të qyqes, u vizitua për herë të parë në mesditën e datës 2 qershor dhe vazhdimisht që prej asaj dite. Ky stacion u ndërtua nga PPNEA falë mbështejtjes së CEPF në kuadër të projektit “Toka e Kështjellave dhe Shqiponjave” dhe që prej asaj kohe po funksion falë mbështetjes domethënëse të “Projektit të Ri LIFE për Kalin e Qyqes” dhe Administratës së Zonave të Mbrojtura të Qarkut Gjirokastër, falë punës së përkushtuar të vetë drejtorit Z.Gligor Dushi.
Postime të ngjashme
Komente

Your email address will not be published.Required fields are marked *